500 days in Dvaravati (6)
28 Aug 2008 3 Comments
in ဒွါရာဝတီမှာရက်ငါးရာ, မှတ်မှတ်ရရ
ဒွါရာဝတီမှာရက်ငါးရာ (၆)
အိုဘယ့် ဒွါရာ ၀တီ
ထိုင်းလေကြောင်း ၏ TG 304 ခရီးစဉ် ကိုပျံသန်းမည့် ရန်ကုန်-ဘန်ကောက် ခရီးသည်တင် ဂျက်လေယာဉ် ကြီးသည် သူ့အား အေးစက်စက်ကြီး ကြိုဆို နေ၏။ လေအေးစက် များကြောင့် အေးစိမ့် နေသော လေယာဉ်တွင်း မှလေထုသည် မတ်လ၏ အပူငွေ့ များကို ကျောပေါ်တင်၊ စိတ်ဇော အဟုန်၏ တေဇော ဓါတ်များ ကိုရင်ဘတ်ထဲ ထည့်လာ၍ ကျောနှင့်ရင် ညှပ်ပူနေသော သူ့အား ကျောချမ်း ၍ ရင်အေး သွားစေသည်။ လေယာဉ်ပေါ်မတော့ ဖြူဖြူ၊ ၀ါဝါ၊ ကြောင်ကြောင် ကျားကျား ခရီးသည် တွေပျားပန်းခပ်မျှ၊ ပျံသန်းချိန် တစ်နာရီ မိနစ် နှစ်ဆယ် ခန့်သာ ရှိသော မိုင်ကိုးရာ သာသာ ခရီးတိုလေး အတွင်း ခရီးသည် များ စိတ်တိုင်း မကျ မချင်း ၀န်ဆောင်မှု ပေးရန် အရှေ့တောင် အာရှ တွင် ၀န်ဆောင်မှု ကောင်းသတင်း မွှေးလှသည့် နာမည်ကျော် ထိုင်းအဲဝေး၏ လေယာဉ် မောင်မယ် များ အလုပ်ရှုပ် နေကြ၏။
500 days in Dvaravati (5)
28 Aug 2008 2 Comments
in ဒွါရာဝတီမှာရက်ငါးရာ, မှတ်မှတ်ရရ
ဒွါရာဝတီမှာရက်ငါးရာ (၅)
ဆယ့်နှစ်ရက်တာ တစ်ကမ္ဘာ
ဤစာကို ရပြီး နောက် တစ်ဆယ့် နှစ်ရက် အကြာမှာ အမိမြေမှ အသင် ထွက်ခွာ၍ နိုင်ငံခြား ပညာတော်သင် ခရီးစလော့- ဟူသော အကြောင်း ကြားစာက သူ့ထံသို့ မိုးကြိုးပစ် သလို ဒုန်းကနဲ ဆိုက်ရောက် လာ၏။ ထိုအချိန်တွင် သူက နေထိုင်ရာမြို့  မှ တစ်ဖ၀ါး မခွာ ရသေး။ ပြင်ဆင် မှုများ ကနထ္ထိ။ သူ့တွင် နိုင်ငံကူး လက်မှတ် မရှိ၊ သက်ဆိုင်ရာ နိုင်ငံ၏ ၀င်ခွင့် ဗီဇာ မရှိ၊ နိုင်ငံခြား ငွေပြားစေ့ တစ်စေ့ ပင်မရှိ၊ လေယာဉ် လက်မှတ်မရှိ၊ စာအုပ် စာတမ်း မရှိ၊ လူလူသူသူ ၀တ်စားရန် အနောက်တိုင်း ၀တ်စုံများ မရှိ၊ ဘာမှ မရှိ။ ထို မရှိခြင်း များက သူ့  ကို ခေါ်ဆောင် ပျံသန်း စေလျှက် နိုင်ငံခြား ပညာသင် ခရီး ဖြစ်မြောက် အောင်မြင် စေအံ့လော။ နိုင်ငံခြား ပညာတော်သင် ခရီး တိုင်းသည် အလောသုံးဆယ် သွားရတတ်သည် ဟူသော နောင်တော့်နောင်တော် များ၏ မှာတမ်းခြွေ စကားများ ကြားနာခဲ့ဖူး သော်လည်း ဤမျှဖြစ်လိမ့်မည်ဟု ထင်မထား။ ဘယ်ကစလို့ ဘာကို လုပ်ရမည်မှန်း မသိတော့လောက်အောင် ပျာယာခတ် စိတ်ရှုပ် ခဲ့ရသည်။ ဆပ်ပြာသည် လင်ပျောက် ရှာသည် ကအခုသူဖြစ်နေ သောအခြေ အနေထက် ဣနြေ္ဒ ရဦးမည် ထင်၏။
500 days in Dvaravati (4)
28 Aug 2008 4 Comments
in ဒွါရာဝတီမှာရက်ငါးရာ, မှတ်မှတ်ရရ
ဒွါရာဝတီမှာရက်ငါးရာ (၄)
နောက်ဆံငင် သော ရက်စွဲများ
အတွေး အာရုံ ထဲ၌သာ ကျင်လည် ကျက်စားခဲ့သည့် မပီဝိုးတ၀ါး နိုင်ငံခြား ပညာတော်သင် ခရီးသည် တဖြည်းဖြည်း ပီသ ကြည်မြ လာလေလေ၊ သူ့စိတ်က နောက်ဆံငင်လာ လေလေ။ သူ့တွင် နှောင်ကြိုးတစ်မျှင် ရှိနေ သည်ကော။ ထိုနှောင်ကြိုး နှင့်သူ၏ တွယ်ငြိ ထုံးဖွဲ့ မှုအတိုင်းအတာ က အချိန်ကာလ သက်တမ်း အရ ဆိုလျှင် ရည်းစားသက် ကိုးနှစ်၊ အိမ်ထောင်သက် သုံးနှစ် ပေါင်း ၁၂ နှစ်မျှသော မာရသွန် ကာလရှည်ကြီး။
500 days in Dvaravati (3)
26 Aug 2008 1 Comment
in ဒွါရာဝတီမှာရက်ငါးရာ, မှတ်မှတ်ရရ
ဒွါရာဝတီမှာရက်ငါးရာ (၃)
နဂါးဖမ်း ပညာ
တကယ်တမ်း နဖူးတွေ့၊ ဒူးတွေ့ စာမေးပွဲ ဖြေရန် ပြင်ဆင် ရသောအခါ သူ ဒုက္ခ ရောက်တော့၏။ ရေမရော သည့် နိုင်ငံခြား မဟာဘွဲ့ အဟုတ် တကယ် ဖြစ်ရိုးမှန် သော်လည်းသူမျှော်လင့် စောင့်စား နေသည့် ပြည်သူ့ ကျန်းမာရေး ဆေးပညာ မဟာဘွဲ့ မဟုတ်၊ ကျန်းမာရေး ဘောဂဗေဒ မဟာသိပ္ပံဘွဲ့ Master of Science in Health Economics ဆိုပဲ။ ရုပ်မြင်သံကြားမှ လာသော ဂန္တလရာဇ်နှင့် ဂျိုဆောင် အရှေ့တိုင်း ဇာတ်လမ်းတွဲ တွေမှာ မကြာခဏ ဘာသာ ပြန် ရေးထိုးလေ့ ရှိသည့် သူတို့ မြန်မာတွေ မပြောသော မြန်မာစကား ဖြစ်သည့် ‘ဒီလိုကိစ္စမျိုးရှိသလား’ ဟုမေးရ လောက်အောင်ပင် ထိုထိုသော ပညာရပ်မျိုးကို တစ်ခါဘူးမှ ရှိသည် ဟူ၍ပင် သူ မကြားမိခဲ့ ဘူးပါ။ သွားရောက် ပညာ သင်ယူရမည့် နိုင်ငံကို ကြည့်ပြန်တော့လည်း နိုင်ငံခြားလို့ ခေါ်ရ မှာပင် ခပ်ခက်ခက်၊ ထိုင်းနိုင်ငံတဲ့။ More
500 days in Dvaravati (2)
24 Aug 2008 1 Comment
in ဒွါရာဝတီမှာရက်ငါးရာ, မှတ်မှတ်ရရ
ဒွါရာဝတီမှာရက်ငါးရာ (၂)
အခြေသတင်း ကြီးသည့် ရွှေမင်းသမီး
“ဆရာ့ကို ကျွန်တော် မထောက်ခံနိုင်ဘူးဗျာ၊ လက်မှတ် လည်း ထိုးမပေး နိုင်ဘူး”
ဟဲ့-ပလုပ်တုတ်၊ အသာလုပ်ပါ၊ ဘယ့်နဲ့ ဖြစ်ရ တာတုန်း။ ပြည်သူ့ ကျန်းမာရေး ဆေးပညာ မဟာဘွဲ့  အတွက် ဘွဲ့ လွန် ၀င်ခွင့် စာမေးပွဲ ဖြေဆိုရန် စာရွက် စာတမ်းများ အသင့် ပြင်ဆင်ပြီး ဌာန အကြီးအကဲဖြစ်သူ ပါမောက္ခ၊ ဌာနမှုး ၏ ထောက်ခံစာ တောင်းခံရန် နှင့် လျှောက်လွှာ များမှာ လက်မှတ် ထိုးရန် ၀မ်းသာအားရအသွား ပါမောက္ခ၏ စကား ကြောင့် သူ ခေါင်းနဘမ်း ကြီးသွား၏။
500 days in Dvaravati (1)
20 Aug 2008 2 Comments
in ဒွါရာဝတီမှာရက်ငါးရာ, မှတ်မှတ်ရရ
ဒွါရာဝတီမှာရက်ငါးရာ (၁)
နိဒါန်း၏အစ
သူ ရင်တွေ ခုန်နေ၏။ အသက်ရှု လည်း မြန်နေ၏။ ကိုင်ထားသော ဖက်စ်စာရွက် ကလေးကို ဘယ်နှစ်ခါ မြောက်မှန်း မသိ ပြန်ဖတ် ကြည့်နေမိ၏။ စာရွက်ပါ အချက်အလက် များက တစ်ခေါက် ဖတ်လျှင် တစ်ခါ ပြောင်းလဲ သွားမည်ကို စိုးရိမ် နေသည့် အလား။ တကယ်တော့လည်း ဖက်စ်မှာ ပါသည်က စာတစ်ကြောင်း မျှသာပါ။ သူ့အမည်၊ ဖြေဆို ခဲ့သော စာမေးပွဲ ခုံအမှတ်နှင့် နှုတ်မေးစာမေးပွဲ ဖြေဆိုရန်ရက်စွဲ၊ သို့သော် ထိုစာတစ်ကြောင်း သည်ပင် သူ့ဘ၀အတွက် မျှော်လင့်ချက်၊ တစ်နည်း အားဖြင့် ဘ၀တစ်ဆစ် ချိုးစေမည့် အပြောင်းအလဲကြီး တစ်ခု၏ မူလအစပင် ဖြစ်တော့သည်။
===================================
Beautiful Theme
19 Aug 2008 Leave a Comment
in အထွေထွေ
ပထမ Justin Tadlock ၏ option theme ထို့နောက် Blog Oh! Blog မှ dailypress theme ယခုတဖန် Justin Tadlock ၏ Visionary Theme. ဘယ်လိုဘဲ ပြောပြော Justin Tadlock ၏ theme များက အမြဲ ပိုလှနေသည် ဟု ထင်မိတယ်။ Feedburner ကို သုံးမရခြင်း အတွက် ခေါင်းကိုက် ခဲ့ရတာ ကလည်း ဒီ theme ပြောင်းပြီးမှ စမ်းကြည့် တော့ ပြန်ရ သွားပြန်ပြီ။ မနေ့က comment တစ်ခုကို moderate လုပ်ရန် email ရသည့် အတွက် ဘယ်သူလဲဟဲ့ ဆိုပြီး ကြည့်မိတော့ Spirulina တဲ့။ IP address: 87.105.99.77 နဲ့ email address: asdkey23@gmail.com တဲ့၊ ဘယ်နိုင်ငံ ကလဲ ဆိုတော့ Poland တဲ့။ ဘာတွေ ရေးထားသလဲ ဆိုပြန်တော့ ဘာအဓိပ္ပါယ်မှန်း မသိတဲ့ အင်္ဂလိပ်စာ မဟုတ် ဗမာစာ မဟုတ် စာတွေ။ ဒါနဲ့ပဲ Akismet နဲ့ စစ်လိုက်တော့ ငနဲက spammer ကိုး။ google မှာ ရှာကြည့်တော့ http://www.stopforumspam.com/ ဆိုတာကို သွားတွေ့တယ်။ ဘာပဲ ပြောပြော akismet က စိတ်ချ ရပါတယ်။
Social Burden of Infectious Diseases
15 Jun 2008 Leave a Comment
in အက်ဆေး
အမြင်နီးသော်လည်းခရီးဝေးရခြင်း
ဆရာမနိုင်
ကုန်လွန်ခဲ့ ပြီးသော ၂၀ ရာစုကို ဆေးပညာနှင့် ပါတ်သက်သော တိုးတက်မှု သမိုးမှတ်တိုင်များ တစ်ခုပြီး တစ်ခု စိုက်ထူ နိုင်ခဲ့သည့် ရာစုနှစ်ဟု ဆိုကြ၏။ ဆေးလောကမှ စွန့်ဦး တီထွင် ပုဂ္ဂိုလ်တို့၏ စွမ်းစွမ်းတမံ ကြိုးပမ်းမှုများကြောင့် ရှေးယခင်က လူသား တို့၏ သေမင်းများ ဖြစ်ကြသော၊ ကုရာနတ္ထိ ဆေးမရှိ ခဲ့သော ကမ္ဘာ့ ကပ်ရောဂါဆိုးကြီးများ နိဂုံး ချုပ်ခဲ့ ရသည်။ ကပ်ရောဂါ တို့၏ မူလအစ၊ ကပ်ရောဂါဆိုးတို့ကို မျိုးစေ့ ချပေးသော ရောဂါ ပိုးများ၊ လူ့ ခန္ဓာကိုယ်တွင် ရောဂါ ပိုးမျိုးတို့၏ အလုပ်လုပ်ကြပုံများ၊ ရောဂါ၏ လက္ခဏာ ကြီးငယ်များ၊ ဆေးဝါးများ၊ ကုထုံး အသွယ်သွယ် တို့အား လေ့လာ ရင်းဖြင့် သိလာ ကြ၏။ ကပ်ရောဂါ၊ ကူးစက်ရောဂါနှင့် ပါတ်သက်သမျှ မသိတာ ဘာမှ မရှိတော့ လောက်အောင်ပင် အရာရာ သိသည့် ကိုဖိုးသိများ ဖြစ်လာ ကြသည်။ ဤမျှ သိသော၊ တတ်သော၊ နားလည်သော လူသားကို ကပ်ရောဂါ၊ ကူးစက်ရောဂါ တို့က နောက်ထပ် နှိပ်စက် နိုင်ဦးမည်လော…။ ဤသို့ သွေးနထင်ရောက်၍ ဘဝင် အမြင့်ကြီး မြင့်နေ ကြသော လူသားတို့အား မာယာများလှသော ရောဂါပိုးတို့က ခြုံကွယ်မှ သွား၍ စောင့်နေသည်ကို အကြင်လူသားသည် မမြင်နိုင်ရှာ ပါတကား။ ။
ဟန်ချက်
29 May 2008 4 Comments
in အက်ဆေး
“ကမ္ဘာကျော် ဆရာဝန်ကြီး တွေရဲ့ ဒီ သုတေသန တွေ့ရှိချက်တွေ အရ အခု ကျွန်တော်တို့ ကုမ္ပဏီရဲ့ ဆေးဟာ အခြား မျိုးတူ ဆေးတွေထက် အပြတ်အသတ် သာပြီး ဘေးထွက် ဆိုးကျိုး လုံးဝ မရှိတာ အခု ဆရာကြီး မျက်မြင် ကိုယ်တွေ့ ပါပဲခင်ဗျ”
စာရွက် စာတမ်းများကို ပြရင်း ပါးစပ်က ပေါက်ပေါက် ဖောက်သလို စကားကို တရစပ် မပြတ်တမ်း ပြောနေသော ဆေးကုမ္ပဏီမှ အရောင်း တာဝန်ခံကို သူ ငေးကြည့် နေမိသည်။ ဆေးတက္ကသိုလ်မှ ကျောင်းပြီး ခါစ ဆရာဝန်ငယ်လေး၊ နုပျိုမှု တက်ကြွ လန်းဆန်းမှု၊ လူငယ်တို့၏ မာန်၊ ဒါတွေကို သူ့မျက်နှာမှာ အတိုင်းသား မြင်နေရသည်။ ဆေးကျောင်းမှာ တုန်းက စာမေးပွဲတိုင်းကိုသာ သင်း ဒီလို ကရားရေလွှတ် ဖြေနိုင်လို့ ကတော့ ထွက်လိုက်မဲ့ ဂုဏ်ထူးတွေ အနတ္တဂ္ဂမ။ More
Revenge
01 Feb 2008 7 Comments
in ဘာသာပြန်
တူဖြစ်ရင်နှံ၊ ပေဖြစ်ရင်ခံ
(၁)
လူတစ်ယောက်၏ ဂုဏ်သိက္ခာကို ညှိုးနွမ်း နိမ့်ကျ အောင် ပြောင်လှောင် စော်ကား ခြင်းသည် လွန်စွာမှ မခံ မရပ် နိုင်ဖွယ် ကိစ္စ ဖြစ်သော်လည်း ဖော်ကျူနေတို အား ကျွန်ုပ် အကြိမ်ကြိမ် အခါခါ သည်းညည်း ခံခဲ့ ပါသည်။ သို့သော် သည်းခံခြင်း ကား အတိုင်း အတာ တစ်ခု အထိသာ။ ဆွေစဉ် မျိုးဆက် အမြတ် တနိုး ဂုဏ်ယူ ခဲ့ကြရသော ကျွန်ုပ်၏ မျိုးရိုး အမည် နာမ ကို နှိမ့်ချ ပြက်ရယ်ပြု စော်ကား လာသည့် အခါ မတော့ ဒင်း အပေါ် သည်းခံ နိုင်စွမ်း ကုန်ဆုံး ခဲ့ချေ ပြီ။ လက်တုံ့ ပြန်ခြင်း၊ ကလဲ့စား ချေခြင်း သည် ကောင်းသော အရာ မဟုတ်မှန်း လူ တိုင်း သိကြ သော်လည်း သည် တစ်ကြိမ် မှာတော့ စိတ် အလိုကို ကျွန်ုပ် မလွန်ဆန် နိုင်ပါ။
Juan
သင့်လူ
ဗမင်းနွေ
သူသူငါငါ
နီမို
Recent Comments